قصيدة ورد بين الشاعرين فلاح اليامي ود.عيد العتيبي
صوت الأخدود - 30 / 12 / 2011 م - 11:20 م

قصيدة الشاعر فلاح بن عايض اليامي:

ياهاجسي والوقت ضيق ومحدود

هات الجزال الشاردات المهيبه

نوادر الأشعار تأتيني وفود

بالذات لا قيل الشعر في اعتيبه

اعتيبه الهيلا هل الطيب والجود

وأهل الشجاعة والخطر ما تهيبه

وأهل السيوف الحدب والخيل والذود

عدوهم يرجع بكسره وخيبه

روق(ن) مع برقا هم شعله وبارود

ياويل ويله من نوو بالحريبه

لاجاء نهار(ن) فيه ظاهد ومظهود

والحرب في الميدان شبت لهيبه

النقص لاعداهم ولعتيبه الزود

والله خلقهم للمصايب مصيبه

تلقى العتيبي للصعيبات موجود

يحلها من طيب ساسه وطيبه

وتلقى العتيبي لازعل ياسم كبود

واذا رضا يبري كبود(ن) صويبه

والكايد اللي دونه الدرب مسدود

لوكان مستصعب ولا احد(ن) يجيبه

تأتي به العتبان مربوط بقيود

اما يجي بالطيب والا غصيبه

ياالله لامن صارت ابروق وارعود

وجاء في السماء ياالله صوره عجيبه

تمطر ولكن..ياالله برحمه وزود

في كل دار(ن)تسكن بها اعتيبه

يقولها اليامي بلا قصد مقصود

وفلاح مايبغى وراها طليبه


رد الشاعر دعيد بن لافي بن شاهر بن بنية المسعودي النفيعي البرقاوي العتيبي:

يا مرحبا بالقاف لاجاك معدود

واخص به أهل العلوم العريبه

جاني بلا نانبي ولا هو بمرفود

هذاك ابن عايض ولاهي غريبة

يامي ومن قوم على الطيب بتزود

أهل الخوي واهل العلوم المهيبة

تنصى ولاتهبى ولاجاهم وفود

تلقى النبا ورجع العلوم العجيبة


والباقي ..يتبع والعذر والسموحة على التأخير...

اضف هذا الموضوع الى:
التعقيبات المنشورة لا تعبر بالضرورة عن رأي الصحيفة
» التعليقات «1»
كلمة وماشي
[1]
[ صعدة - سوق الطلح ]: 1 / 1 / 2012 م - 11:07 م
هاثم يا ذا الليل ..

نعنبا سواكم اعلموني ايش قوم الرجاجيل كل واحد لوث بلاخر هياط ،.،

بدون حملة
المكتبة المقروءة | المكتبة السمعية والبصرية | الربط معنا | استبيانات | معرض الصور
3326627