أنا مصرى أبن مصرى وليّ الشرف!
صوت الأخدود - « انترنت » - 24 / 4 / 2008 م - 3:20 م

برغم المهانة برغـــــــــم القرف

برغم الزبالة اللى مالية الشــــــوارع

برغم الفســــــاد اللى بيه أعترف

 


سمو معـــــالى رئيس الوزارة

نتيجة موظف بسيــــــط أنحرف

 


برغم المجاعة اللى داخلين عليهـــا

وفينا اللى عـــايش حياته فى ترف

 

 

برغم البطــــالة فى أوضة و صالة

برغم أن أخر جنيـــه اتصرف

 

برغم طــــابور الصباح السخيف

و كل منايا يادوب كـام رغيف

 


برغم أسايـــــا لمنظر عشايـــــا

وأقول مش مهم يــــا واد نام خفيف

 


برغم إنى شايف بــلاوى و ساكت

و عايش مطنش كـأنى كفيف

 


برغم وزارة رئيسهـــــا حرامي

و شوفوا البجاحـــــة يقولوا "نظيف"

 


برغم الســــــــلام اللى غرقت بناسها

برغم العيـــــــال اللى ساكنة الرصيف

 

برغم حكومة شعــــارها الكلام

ورغم رئيسنــــــــا عليه السلام

 


ورغم أن كله يـــا عالم بيغلى

إلا كرامتى بترخص قــــوام

 


برغــــــم إنى عايش في بلدى فريسة

و وجبة شهية لبعض اللئـــــــــــــــــام

 


برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

 


برغم ده كله يـا مصر بحبك

و طظ فيهم، ودا آخر كلام!

---------------------

أحمد فؤاد نجم
مصر

اضف هذا الموضوع الى:
التعقيبات المنشورة لا تعبر بالضرورة عن رأي الصحيفة
» التعليقات «2»
صافي النيه
[1]
[ sa - rt ]: 24 / 4 / 2008 م - 5:22 م
الحال من بعضو يا بو فؤاد .....!!!!
11
[2]
24 / 4 / 2008 م - 11:14 م
الله يعين القيعانين ...!!!

رئيس مجلس قيادة السطوح مع التحية ....

فإن نبض الشارع ذائب في مدادك ... ومهما ذابت الآمال معه سيبقى الوطن عزيزاً ، وكأنك تمتثل لقول المواسي الأول لنا نحن المطحونون ,,,

بلادي وإن جارت علي عزيزةٌ ..

فلتشرب قليلاً من القناعة التي تصرفها الدولة بالمجان ,, ألا تعلم بأنها الكنز الذي لا يفنى .. ولتسقها أبناء السطوح في شوارع مصر وشوارع المقطم ..

هذه مواساتي .. فالتقطها ...
المكتبة المقروءة | المكتبة السمعية والبصرية | الربط معنا | استبيانات | معرض الصور
3304619